പരീക്ഷാ ഫലങ്ങള്‍ ഇന്റര്‍ നെറ്റിലൂടെയും എസ എം എസിലൂടെയും അറിയുന്ന ഇന്നത്തെ ആനമങ്ങാടിന്റെആദ്യ നാളുകള്‍ വാര്‍ത്താ വിനിമയ സൌകര്യങ്ങളുടെ കാര്യത്തില്‍ മറ്റേതൊരു ഗ്രാമത്തെയും പോലെ തന്നെ പരിമിതമായിരുന്നു .
സ്വാതന്ത്ര്യ ലബ്ധിക്കു ശേഷമാണ് ആനമങ്ങാട്ടുതപാല്‍ ആപ്പീസ് തുടങ്ങിയത്.അതിനു മുന്‍പ് പെരിന്തല്‍മണ്ണയില്‍ നിന്ന് തൂത വരെ ചാമുണ്ണിനായര്‍ എന്നശിപായി ആയിരുന്നു കത്തുകള്‍ വിതരണം ചെയ്തിരുന്നത് .
റേഡിയോ പോലും ആഡംബര വസ്തു ആയിരുന്ന അക്കാലത്ത് ഗാന്ധിജിയുടെ മരണം പോലുള്ള വാര്‍ത്തകള്‍ ആളുകള്‍ പറഞ്ഞറിഞ്ഞു നമ്മുടെ നാട്ടിലെത്തുന്ന അവസ്ഥ ഇന്ന് സങ്കല്‍പ്പിക്കാന്‍ പോലും പ്രയാസം !
മാതൃഭൂമി ആയിരുന്നു ആനമങ്ങാട്ടു എത്തിയ ആദ്യ പത്രം .ചെര്‍പ്പുള്ളശേരിയില്‍ നിന്നും 1948 ഓടെ തന്നെ ഇത് നമ്മുടെ ഗ്രാമത്തില്‍ എത്തിയിരുന്നു . പിന്നീട് ശ്രീ കെ വി നാരായണന്‍ നായര്‍ ഏജന്‍സി എടുത്തു ആനമങ്ങാട്ടു നിന്ന് തന്നെ വിതരണം തുടങ്ങി .
No comments:
Post a Comment